Megdonytaki

Jumaq jayt’uwshtaw Megdony kumari ak antz jay markanw yatxiwtn jiwtama antz acxw ñakiwtna jatzawtna, kumarimshqa.

Markaq jaypchiw mayn amur warmwa: antz imir”a, wak uywir”a, jayrir”a, jarawir’a, ish shaykir”a.  Upaq jiwstakiq ishaw laqwantxi, ishaw upaq yaq»p»amwantxi, antz jaqwanwa.

Uk”uk”w yanhshiwat warminha ullp mark purq”ipna utp”rw irpwata iship, putkapw yakwata. Uk”am  jaqiq ishkasw utkitxi markasnqa.

Pan lluqllap yatxqirsanaw jarwaqki, ishkasw antzatx ñakini, uk txajsaq warmipkasw yuykatani. Biat kumparinhq achakkaswa, wakapw illani.

Upaq antz namp’niwanwa, antz musiri, ukat»w naq t»ajawt municiypn naj yanhshinushptaki, Uk pichq cxunk distritun watpanq illyaw uk»ap jaq»a, mark warmin  karmajanmin nutzrunushup»a.

Uk uruq art’aw shunay arupwa  ukp» jaqtaki. Uk”maw yuyt’ayawq”usht warm mushkatap”a.

Upaq apsap» apsap»w ishpaw uk awant qillqyatxit» arushja uk ministeriweducasiunawshqa, actps qillqyawiwa. Munkn atz acxcxw Jaqarup»a.

Ashaq uk»as jayt’shushuw mawq»i. Sashuq satna

Puj Kumari, Amruch ikma.

 Mart Kumari, Dims Kumpari

Navegación en la entrada única

← Entrada antigua

Última entrada →