JAQAR QILLQ YATXITNA – 5, 6 Y 7 DE AGOSTO DE 2009

TALLER DE LECTURA Y ESCRITURA DE LA LENGUA JAQARU

EJERCICIOS  DEL TALLER

Maya

Tirnuripna ikkirqayki

Acx ñikuña

Mujs napnurna

Quwas uka

Musma.

Ukaq paqyawa

Paja

May aq»uñanw milak

Suncxaq wayt utki

Quwas uka musma

Ukaq najrawa

Kimsa

May wallmichuñ, lluqalluñaw utki.

Nuppanq qalanw ñawllir jalshki,

Ukat kuyt´ki.

Jaq illkushuq jitxqurqkiwa

Quwas uka, musma

Ukaq wiskchawa.

JARAWA

Maya

Tupinachaka

Tupinachaka jumchaw yatxkta

Qach munkatanhpsa,

Qawk»uk» jatztanhpsa

Jumachaw yatxkta.

Shumay wallmichuña

Qusit» jayt´wta

Ullchanhkt»wa

Ullchanhtx jumwish jakanha.

Tupinachaka wallmichuñanh

wastachap» ujtayqma.

Upaps najamawish jatzki.

Paja

Jaqarsa

Akishuruq yatxiwtna

Ak mujs jaqarusa.

Jayas achkasna arup»a

Uks jakt´attna nart´kipatxa

Nacha

Akishqa ujtxitxatpucha

Arnushsa jaqarusa.

Ish aykaps jayptanushuptaki

Ukanhq jaqips illir ujtkushtu.

 Txuykuna